《把握力就是胜负分野 欧霸盃决赛后感》



《原创文章 欢迎转载 请列明出处 谢谢》-请支持蓝狮 Facebook专页-《把握力就是胜负分野 欧霸盃决赛后感》 按此观看图片 黎到伦敦双雄今季最后一战,虽然戏码依旧却需远征巴库,最终车路士以4:1大胜阿仙奴,亦係继1314赛季后再一次举起「霸气盃」,如果你係中立球迷纯用观赏性去睇哩场波的话,唔计你自己本身攰以眼训的话其实场波係几好睇,互有攻守,而双方把握力就成为左胜负既关键。老实说,以哩个比数作结其实係有少少大跌眼镜,就算係车迷都估唔到能够以大比数击败对手,论战意同决心,阿仙奴一方理应略高一筹,因为如果输波的话,下季就再一次同欧联席位擦身而过,而车路士方面季尾乱打乱撞之下以联赛季军冲线锁定欧联资格,哩场波可以算话「风流波」,再加上欧盃盃亦称为「艾玛利盃」,而沙利虽然执教已久但从未喺欧洲赛事上一尝夺冠滋味,双方赛前分野明显。开赛初段其实阿仙奴比唔少压力车路士,两边翼卫多番前插尝试拉开蓝军阵式,透过传中喺禁区製造混乱,感觉上车路士好似面对紧两季前干地所带领既「自己」咁,蓝军好多时都要大脚传上前场解围,尽可能避开中场对抗,不过随住时间过去,阿仙奴喺体力上既消耗减弱左佢地所施加既压力,令车路士慢慢主导番比赛形势,加上今场蓝军既传球质素可以话係今季黎讲算係比较高水準既一场,其实上半场完结果阵都开始见到入波只係时间问题。今季两队波其实有同样问题,就係喺下半场一出更衣室果下既时间同样係最唔集中,失波亦好容易喺哩段时间出现,唔知係沙利喺半场时段调整,定係球员突然发奋,车路士喺下半场一出黎就汹涌而上,唔洗廿分钟经已入左三球,短时间造成失波根本令阿仙奴全队都失去方向,虽然今场双方射门次数係不相伯仲,车路士 14次阿仙奴16次,不过前者有8脚中龙而后者就只有2下,阿仙奴后防失色既表现埋下大败伏线,而施治既表情动作亦令唔少车迷心情忐忑。同样既最后一战,但夏萨特同卡希尔与施治之间既送别可以话有「天与地」之分,结果论黎讲沙利第一季为车路士带领欧霸盃冠军、联赛盃亚军以及英超季军,其实都真係无乜野可以挑剔,如果身为车迷既你都仲係唔满意的话,建议你都係买只FM自己教好过。文章发表时间 : 30/5/2019 14:45文章最后更新时间 : 30/5/2019 14:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持



上一篇: 下一篇:



  • 热门文章
编辑推荐